არგაღიზიანების პოლიტიკა სწორია, ძალით არც რუსეთი უნდა გააღიზიანო და არც არავინ, მაგრამ “ოცნება” კოლაბორაციონისტულ და მოღალატეობრივ პოლიტიკას ატარებს, – ამის შესახებ “მაციონალური მოძრაობის” ერთ-ერთმა ლიდერმა გიორგი ბარამიძემ “ტვ პირველის” ეთერში განაცხადა.
“პუტინს ნელ-ნელა ერქმევა თავისი სახელი. მან ჯერ კიდევ 2008 წელს საქართველოში ჩაატარა ეთნიკური წმენდა, მაგრამ სამუხაროდ მაშინ მსოფლიოს ეძინა, ახლა გაიღვიძა და სწორედ ახლა უნდა იყოს საქართველოს ხელისუფლება აქტიური. შეიძლება შეცდომები გქონდეს ხელისუფლებაში, შეიძლება რაღაცა ვერ გააკეთო და ეს გეპატიოს, მაგრამ, არა მაშინ, როდესაც შენი ქვეყნის ღალატის და კოლაბორაციონიზმის პოლიტიკას ატარებ და არა არგაღიზიანების პოლიტიკას, რაც ხშირად გეშლებათ ჟურანლისტებს. არგაღიზიანების პოლიტიკა სწორია, არ უნდა გააღიზიანო ძალით არც რუსეთი, არც თურქეთი, არც სომხეთი, არც ამერიკა და არავინ. ესენი ატარებენ კოლაბორაციონისტულ პოლიტიკას, მოღალატეობრივ პოლიტიკას.
გაგიკვირდებათ და აქ დავეთანხმები ბატონ მდინარაძეს – ხელისუფლება უნდა აკეთებდეს ამას და თუ მართლა მეგობარია უკრაინა, გასული უნდა იყოს უკვე კონტაქტზე უკრაინის ხელისუფლებასთან, რომ პრეზიდენტმა ზელენსკიმ მიმართოს საქართველოს პარლამენტს, მაგრამ ამას არ აკეთებენ. სამწუხაროდ სახელმწიფოსთვის, რაც ხელისუფლების გასაკეთებელია, იძულებულია ოპოზიცია ეს თავის თავზე აიღოს,” – განაცხადა გიორგი ბარამიძემ.
კომენტარები