Anonymous-მა რუსეთის სახელმწიფო ატომური ენერგიის კორპორაციის Rosatom-ის საიტი გატეხა, – აღნიშნულის შესახებ ინფორმაციას ჰაკერული დაჯგუფება Twitter-ის გვერდზე ავრცელებს.
„Anonymous-მა გატეხა Rosatom-ის ვებსაიტი და იწყება გიგაბაიტიანი მონაცემების გაჟონვა“, – ნათქვამია მოხსენებაში.
მათ ასევე აღნიშნეს, რომ მათ მხოლოდ კომპანიის ვებგვერდი გატეხეს და ეს არანაირად არ იყო დაკავშირებული ატომური ელექტროსადგურების რეაქტორების მუშაობასთან.
ჰაკერები განმარტავენ, რომ ისინი არასოდეს შეუქმნიან საფრთხეს უდანაშაულო ადამიანების სიცოცხლეს.
Taiwan News- ის ცნობით , ჰაკერებმა Rosatom-ის ვებგვერდის გარდა კიდევ ორი საიტი გატეხეს, რომლებიც დაკავშირებულია Rosatom-თან. ამ სამი ვებსაიტიდან თითოეულს დაემატა ახალი html გვერდი ასოებით “fckptn” (f*** Putin).
Anonymous-ის წარმომადგენელმა განუცხადა ტაივანურ გამოცემას, რომ მათ ჰქონდათ წვდომა ფაილებზე Rosatom-ის ქსელიდან, მომხმარებლის ცხრილებზე მონაცემთა ბაზიდან და შიდა ქსელის მომხმარებლის რწმუნებათა სიგელებზე.
კომენტარები