ფრაქცია „ქართული ოცნების“ დეპუტატმა ეკა სეფაშვილმა პლენარულ სხდომაზე ოპოზიციის წევრებს მიმართა და თქვა:
„სანქცია ნიშნავს იმას, რომ ვის მიმართაც არის სანქცია დაწესებული, იმ სუბიექტს შეუქმნას დისკომფორტი. დისკომფორტის შედეგად, ისეთი რაღაცის გაკეთება აიძულო, რომელსაც წინააღმდეგ შემთხვევაში ის არასოდეს არ გააკეთებდა. დაფიქრდით, რა დისკომფორტის მინიჭება შეუძლია საქართველოს ეკონომიკური სანქციებით? მაშინ როდესაც თუ რუსული ბაზრებიდან გაქრება ჩვენი კერძო ბიზნესის მიერ წარმოებული ღვინო იქნება თუ სოფლის მეურნეობის პროდუქტები, შეიძლება რუსმა მომხმარებელმა ვერც შენიშნოს, რომ დახლებიდან ეს პროდუქცია საერთოდ გაქრა. ხოლო, საქართველოს მოსახლეობა ძალიან ადვილად და იოლად იგრძნობს, როდესაც პური არ შემოვა, ხორბალი არ შემოვა, წიწიბურა, მაკარონი, მარგარინი, მზესუმზირის ზეთი არ შემოვა და ეს პირდაპირ აისახება მოსახლეობის კეთილდღეობაზე და მერე დაიწყეთ ინფლაციაზე და ლარის გაუფასურებაზე საუბარი.”
სეფაშვილის განცხადებას პარლამენტის პიარსამსახური ავრცელებს.
შეგახსენებთ, რამდენიმე დღის წინ, ეკონომიკის მინისტრმა განაცხადა, რომ იმ შემთხვევაში, თუ რუსეთი აღარ მოგვყიდის ხორბალს, ალტერნატიული ბაზარი ნაპოვნი აქვთ და ეს არის ყაზახეთი.
კომენტარები