უკრაინის პრეზიდენტის ოფისის ხელმძღვანელის მრჩეველი, ალექსეი არესტოვიჩი ამბობს, რომ თუ უკრაინასა და რუსეთს შორის მოლაპარაკებები უშედეგოდ დასრულდება რუსეთს შეტევის მეორე მცდელობა ექნება. მისი თქმით, კრემლში უკვე ფხიზლდებიან და მეორე წრეზე აღარ წავლენ.
“ამ მოლაპარაკებებში რუსეთთან მთელი მსოფლიო ჩართულია. ან მოვილაპარაკებთ 2 კვირაში, ან რუსეთს ექნება მეორე მცდელობა შეტევის, რაც ფაქტობრივად არ გამოსდით და ამის მერე მაინც მოლაპარაკების მაგიდას დავუბრუნდებით. ვფიქრობ, რომ კრემლში უკვე ფხიზლდებიან და მეორე წრეზე აღარ წამოვლენ. მითუმეტეს, გვაქვს ინფორმაცია, რომ გიჟები, რომლებსაც ეს სურთ კრემლში ერთი-ორიღაა, დანარჩენები კი უკვე ყველაფერს მიხვდნენ”, – თქვა ალექსეი არესტოვიჩმა.
უკრაინასა და რუსეთს შორის მოლაპარაკებები სავარაუდოდ, დღეს განახლდება. გუშინ მხარეებს შორის მოლაპარაკების მეოთხე რაუნდზე ტექნიკური შესვენება გამოცხადდა.
კომენტარები