რუსეთში, ტელეარხ „პერვი კანალზე“ მთავარი საინფორმაციო გადაცემის „ვრემიას“ დროს, შეჭრილ ახალგაზრდა რედაქტორს ადვოკატები ამ დრომდე ვერ პოულობენ. მარინა ოვსიანიკოვა გუშინვე დააკავეს.
ეთერში გასვლამდე მან ჩაწერა ვიდეო, რომელშიც უკრაინის ომს გმობს და აცხადებს, რომ რცხვენია თავისი პროპაგანდისტული საქმიანობის. ის ამბობს, რომ მამა უკრაინელი ჰყავს, ხოლო დედა – რუსი.
„სამწუხაროდ, ბოლო წელი მე ამ მკაცრად პროპაგანდისტულ არხზე ვმუშაობდი, მრცხვენია.” – ამბობს ჟურნალისტი.
რა თქმა უნდა, საქართველოში ახალგაზრდა ქალის ბედით დაინტერესდნენ და ელოდებიან ახალ ცნობებს. ტელეწამყვანი ნანუკა ჟორჟოლიანი სოციალურ ქსელში წერს, რომ მარინა ოვსიანიკოვს რეპორტაციის შემთხვევაში შეიფარებს და დაასაქმებს კიდეც.
„ვრემიას რედაქტორი ერთადერთი რუსი იქნება, რომელსაც პირადად შევიფარებ, რუსეთიდან თუ გამოადეპორტებენ. სამსახურსაც შევთავაზებ. Marina Ovsyannikova -Waiting for you in Georgia“, – წერს ჟურნალისტი.
კომენტარები