ჩეჩნეთის მეთაური, რამზან კადიროვი უკრაინის ქალაქ ივანკოვში იმყოფება. აღნიშნულ ინფორმაციას უკრაინის შს მინისტრის მრჩეველი, ანტონ გერაშენკო „ტელეგრამის“ საშუალებით ავრცელებს. ამის შესახებ „უნიანი“ წერს.
„კადიროვი უკრაინაშია, ის სარდაფში ზის“, – წერს გერაშჩენკო თავის „ტელეგრამ“ არხზე.
მინისტრის მრჩეველმა კადიროვს მიმართა და განუცხადა, რომ ის „უნდა გამოჩნდეს და ვირთხასავით სარდაფში არ უნდა იმალებოდეს“.
„ჩვენ ხომ ასე არ შევთანხმებულვართ, რამზან. შენ ხომ არ უნდა იჯდე შორეულ ივანკოვში, სადღაც სარდაფში. ჩაჯექი ტანკში – წადი შტურმით კიევზე…“, – აღნიშნა გერაშენკომ.
როგორც მედია წერს, ამ წუთისთვის კადიროვის უკრაინაში ყოფნა ოფიციალურად არ დასტურდება.
კომენტარები