პრეზიდენტის აპარატის მრჩეველმა და რუსეთთან მომლაპარაკებელმა მიხაილ პოდოლიაკმა განაცხადა, რომ შემდეგი შეხვედრა 14-15 მარტს გაიმართება. დელეგაციები სხვა საკითხებთან ერთად, ასევე, განიხილავენ რუსეთის ფედერაციის მხრიდან უკრაინაში განხორციელებული ნგრევისთვის კომპენსაციის საკითხს. ამის შესახებ pravda.com წერს.
„ახლა მოლაპარაკებების მაგიდაზე არის სხვადასხვა წინადადებები, ბევრია, არის ათეული წინადადება. მათ შორის პოლიტიკური მოგვარების და, რაც მთავარია, სამხედრო მოგვარების შესახებ. ვგულისხმობ ცეცხლის შეწყვეტას. ორმხრივი სამართლებრივი ფორმატების შემუშავებისთანავე დაინიშნება შეხვედრა – მოლაპარაკებების მეოთხე რაუნდი. შეიძლება ხვალ იყოს ან ზეგ (14-15 მარტი) ალბათ არ არის საჭირო უფრო შორს წასვლა და უბრალოდ საუბარი. ჩვენ განვიხილეთ ყველა საკითხი, ახლა ვცდილობთ, რომ ეს საკითხები რაღაც სამართლებრივ ფორმატში შევფუთოთ“, – განაცხადა პოდოლიაკმა.
კომენტარები