ნატოს გენერალურმა მდივანმა იენს სტოლტენბერგმა განაცხადა, რომ რუსეთმა, შესაძლოა, გამოიყენოს ქიმიური იარაღი უკრაინაში.
მისი თქმით, ასეთი ნაბიჯი ომის დანაშაული იქნება.
„ბოლო დღეებში მოვისმინეთ აბსურდული ბრალდებები ქიმიური და ბიოლოგიური იარაღის ლაბორატორიების შესახებ. ახლა, როდესაც ეს ცრუ პრეტენზიები გაჟღერდა, ფხიზლად უნდა ვიყოთ, რადგან შესაძლებელია, რომ რუსეთმა თავად დაგეგმოს ქიმიური იარაღის ოპერაციები ამ სიცრუის შეთხზვის ქვეშ. ეს იქნება ომის დანაშაული“,- აღნიშნა სტოლტენბერგმა.
სტოლტენბერგის თქმით, მიუხედავად იმისა, რომ უკრაინელი ხალხი გაბედულად ეწინააღმდეგება რუსეთის შემოჭრას, უახლოესი დღეები, სავარაუდოდ, კიდევ უფრო დიდ სირთულეებს მოიტანს.
კომენტარები