რუსეთთან სრულმასშტაბიანი ომის გაგრძელებას რუსეთში ღიად მხარს მხოლოდ ორი ადამიანი უჭერს – პრეზიდენტი ვლადიმერ პუტინი და თავდაცვის მინისტრი სერგეი შოიგუ. ამის შესახებ უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა, კირილ ბუდანოვმა განაცხადა.
„რუსეთის სამხედრო-პოლიტიკურ ხელმძღვანელობაში სერიოზული პრობლემებია. ახლა მხოლოდ ორი ადამიანი უჭერს ღიად მხარს ომის გაგრძელებას, ესენია ვლადიმერ პუტინი და სერგეი შოიგუ. ყველა დანარჩენი, მათ შორის რუსული გენერალიტეტი ამ პროცესის შეჩერებას ცდილობს“, – აცხადებს ბუდანოვი.
მისივე თქმით, უკრაინისთვის ცნობილია რუსეთის თითქმის ყველა გეგმა.
„როგორც კი დიდ კაბინეტებში რაღაც იდეები იბადება, ეს ჩვენთვის ხდება ცნობილი. ვიმეორებ, სამხედრო გზით უკრაინის აღების ნებისმიერი მცდელობები ჩავარდება“, – ამბობს ბუდანოვი.
კომენტარები