ვლადიმირ პუტინზე ამბობენ, რომ ძალიან ხეპრე და უვიცია. გაუგია რომ სადღაც ინტერნეტი არსებობს მაგრამ ცხოვრობს სამყაროში სადაც საქაღალდეებია დახვეული. – ამის შესახებ TV Pirveli-ს ეთერში გამოჩენილმა მწერალმა ბორის აკუნინმა განაცხადა.
როგორც ბორის აკუნინი ჟურნალისტთან საუბრისას ამბობს, ვლადიმირ პუტინი უყურებს საკუთარ შექმნილ ტელევიზიას სადაც ამბობენ იმას, რაც მას მოეწონება.
“ყველა დიქტატორი რომელიც ასე ცხოვრობს, საპნის ბუშტში, ასე ცხოვრობს პუტინიც, კადაფივით და ჰგონია რომ ყველა არარაობაა მის გარშემო, დიქტატორებს ჰგონიათ რომ თვითონ არიან ღმერთიც და მეფეც.” – აცხადებს ბორის აკუნინი.
როგორ ესახება მას, ვლადიმირ პუტინის მმართველობის დასასრული, – ჟურნალისტის კითხვაზე ბორის აკუნინი აცხადებს, რომ პუტინი ცდილობს უკრაინის სახელმწიფოებრიობის დაშლას. მიუხედავად ამისა, როგორც მწერალი ამბობს, უკრაინა ამ კატასტროფიდან აუცილებლად გამარჯვებული გამოვა, იმიტომ რომ მთელი მსოფლიო საზოგადოება დაუდგება გვერდში.
“რაც შეეხება რუსეთის ფედერაციას, აქ ყველაფერი იქნება ძალიან ცუდად. იმიტომ რომ ეს გაიგივებულია პუტინის ქვეყანასთან”. – აცხადებს ბორის აკუნინი.
მისი განცხადებით, რუსეთი ეს არის სახელმწიფო რომელმაც თავისი თავის კომპრომიტირება მოახდინა.
“დროშაც კი არ იარსებებს სამფეროვანი. იქნება ახალი ქვეყანა. რომელსაც აღარ ერქმევა რუსეთის ფედერაცია. ექნება სხვა გერბი და ექნება სხვა დროშა. ჩემთვის ამაზე საუბარი ძალიან რთულია, რადგან ამ ქვეყნის დაბადებაში ვიღებდი მონაწილეობას.” – განაცხადა ბორის აკუნინმა.
კომენტარები