„მტერი აგრძელებს ქალაქის ინფრასტრუქტურისა და საცხოვრებელი უბნების მიზანმიმართულ განადგურებას. არაერთი სახმელეთო და საჰაერო თავდასხმის შედეგად, განადგურდა 280-ზე მეტი სახლი, 26 სკოლა და 23 საბავშვო ბაღი. არის მსხვერპლი მშვიდობიან მოსახლეობაში“, – აღნიშნულია უკრაინის ნაციონალური პოლიციის მიერ გავრცელებულ განცხადებაში.
პოლიციის ინფორმაციით, დაბომბვის შემდეგ, ქუჩებში, საბრძოლო მასალის ნაწილი აუფეთქებელი რჩება. სამართალდამცველები მოსახლეობას აფრთხილებენ, არ შეეხონ საეჭვო მასალებს და დარეკონ ნომრებზე 102 ან 101.
„ხარკოვის პოლიცია აგრძელებს მუშაობას სადღეღამისო რეჟიმით და იცავს მოსახლეობას ძარცვისგან, ქურდობისა და სხვა სამართალდარღვევებისგან“, – აღნიშნულია განცხადებაში.
კომენტარები