რუსმა ბიზნესმენმა, რომან აბრამოვიჩმა განაცხადა, რომ საფეხბურთო კლუბ „ჩელსის“ გაყიდის, ხოლო კლუბის გაყიდვიდან მიღებული თანხა უკრაინაში ომის შედეგად დაზარალებულთა დახმარებას მოხმარდება.
„შექმნილ ვითარებაში გადაწყვეტილება მივიღე კლუბის გაყიდვის შესახებ, რადგან მიმაჩნია, რომ ეს კლუბის, გულშემატკივრების, თანამშრომლების, ასევე კლუბის სპონსორებისა და პარტნიორების ინტერესებში შედის“, – ნათქვამია განცხადებაში.
რომან აბრამოვიჩი აღნიშნავს, რომ საქველმოქმედო ფონდი შეიქმნება, რომელიც კლუბის გაყიდვიდან მიღებულ წმინდა შემოსავალს მიიღებს უკრაინის ომის შედეგად დაზარალებულთა დასახმარებლად.
„ფონდი უკრაინაში ომის ყველა დაზარალებულის სასარგებლოდ იმუშავებს. ეს მოიცავს მნიშვნელოვანი სახსრების გამოყოფას გადაუდებელი და დაუყოვნებლივი საჭიროებებისთვის, ასევე გრძელვადიანი აღდგენის სამუშაოების მხარდაჭერისთვის“, – აცხადებს რომან აბრამოვიჩი.
კომენტარები