გერმანიაში მცხოვრები ექიმი, იაგო ფრანგიშვილი:
„პუტინს მსოფლიოში ჩრდილოკორეის დიქტატორის გარდა უკვე არავინ დაელაპარაკება სერიოზულად
პუტინმა განაცხადა რომ ,,დასაშინებელი იარაღის მომსახურე პერსონალი საგანგებო მდომარეობაში გადაიყვანა,,
ანუ
ატომური ბომბით აშინებს მსოფლიოს
და ამით უკვე სამუდამოდ გაიყვანა საკუთარი თავი დიდი პოლიტიკიდან.
უკვე ჩრდილოკორეელი ავანტიურისტია.
მიხარია?
ნამდვილად მიხარია
და მაინც არ მიხარია.
ამხელა სახელმწიფოს ასე აბურთავება და ასე სამარცხვინოდ გახდა, ნამდვილად არ მიხარია.
უკრაინელები ნაღდად გაიმარჯვებენ, მაგრამ
ამ ომს უკვე დარწმუნებული ვარ რომ გამარჯვებული როგორც ასეთი არ ეყოლება.
ხარკოვში ქუჩებში მიდის ბრძოლა, კაცი კაცზე, უკრაინელების მხრიდან ქალი კაცის წინააღმდეგაც დგას.
ეს გმირობაა და უკრაინა გაიმარჯვებს.
და მაინც, ამ ომს გმირები არ ყავს.
ისევე როგორც აფხაზეთ საქართველოს ომს არ ყავს გმირები.
რუსეთის კაგებეს ორგანიზებული კავკასიური ტრაგედია იყო და არის აფხაზეთ სამაჩაბლო.
იგივე კაგებეს ორგანიზებულია დღევანდელი სლავური ტრაგედია.
ავანტიურისტულმა პუტინისტურმა რუსეთმა, თავად რუსეთის მოღალატეებმა შეუტიეს უკრაინას, მოინდომეს უკრაინის დაჩმორება და მიიღებენ საკადრისს,
მაგრამ
რუსს თავად არ უნდა დაეშვა ამისთანა სისტემა და პუტინი.
რუსს ყველაფერი უნდა ეღონა რომ პუტინი არ ყოფილიყო რუსის სახე.
უკრაინა გმირულად დაიცავს საკუთარ სახემწიფოს და ამასი წინ ვერავინ აღუდგება.
მაგრამ,
როცა ახლა, 21ე საუკუნეში სლავები ერთმანეთს ხოცავენ, კავკასიელები ერთმანეთს ხოცავენ, ჩეჩნებმა საერთოდ გაანადგურეს ჩეჩნეთში მთელი საგვარეულოები
და ეს ყველაფერი კაგებე, ფსბ თუ ადრინდელი ცარისტული ახრანკის საშინელი ტრადიციებით და ორგანიზებულად ხდებოდა და ხდება.
აი ამას რომ ხალხი დაუშვებს,
აქ ძნელია საუბარი გამარჯვებაზე.
დღეს მთელი მსოფლიო დამარცხებულია.
ყოველგვარი პათეთიკის გარეშე, ყველა დამარცხებულია,
ყველა უკვე დადაღულია.
ახლა გვაჩვენეს გერმანული ტელევიზიით ჰარკივში ანუ ხარკოვში ბავშვთა საავადმყოფო, გადატანილი სარდაფში და იმ ბავშვებს სამუდამო დაღი უკვე დასმული აქვთ მთელი ცხოვრება.
ესაა ტრაგედია.
ადამიანებმა მიატოვეს სახლი და ღამეებს მეტროს ბუნაგებში ათევენ, სიცივეში
ესაა ტრაგედია.
ამის დაშვებაა ტრაგედია.
ბრძოლას, რომელსაც არ იბრძვი, იგებს მტერი. ეს ასეა.
ომს, რომელსაც გაექცევი, ვერ გაექცევი, სახლში და შენთან მოვა.
ამიტომაც ომი არ უნდა დავუშვათ.
სავსებით გამართლებულად მიმაჩნია ისრაელის მოსადის ტაქტიკა, რომ პუტინსმსგავს ტიპებს, რომელტაც პერსპექტიულად შეუძლიათ აგვარი საშინელების წამოწყება, დროულად უკეთებენ ლიკვიდაციას, ვიდრე ამისთანა ტრაგედიას მოახდენდეს.
2001 წელსვე უნდა განერიყათ უნდა ლიკვიდირებულიყო პუტინი, როცა ჩეჩნები გაჟლიტა და მერე ჩეჩენს ჩეჩენის გაჟლეტა დაავალა.
უნდა გვებრძოლა ყველას ერთად იმ ცარისტული სისტემის ამოსაძირკვად, იმ კაბეს სისტემის ამოსაძირკვად,
რომელმაც
გუშინ ოსს და აფხაზს დაავალა სლავთან და ჩეჩენთან ერთად ქართველის გაჟლეტა.
გუშინწინ კი ქართველს დაავალა საკუტარი სახელმწიფოს დაქცევა, საკუთარი ხალხის და საკუტარი თანამოქალაქეების დატერორება, დაყაჩაღება და მკვლელობა.
ამ სისტემამ დღეს სლავს დაავალა სლავის გაჟლეტა.
ესაა ტრაგედია.
არამარტო სლავური, არამედ მსოფლიოს ტრაგედიაა.
გმირობა იქნებოდა,
სამხრეთ კავკასიის ტრაგედიების, 2001 წლის ჩეჩნეთის, 2008 წლის საქართველოს ტრაგედიების მერე, აი ეს ომი რომ არ დაგვეშვა.
პუტინის რუსეთთან ლაქუცისა და დაყვავების ნაცვლად რომ ეს საშინელი მონსტრი რომ გვემხილა და დროულად გვებრძოლა მის წინააღმდეგ,
დღეს ეს ტრაგედია არ გვექნებოდა.“
კომენტარები