“ჩემი მხარდაჭერა პრემიერს ამ ბრძნულ და სახელმწიფოებრივ გადაწყვეტილებაში!” – სადღობელაშვილი

“მე ვერ გავამტყუნებ ირაკლი ღარიბაშვილის, როგორც საქართველოს პრემიერის საკმაოდ ბრძნულ და სახელმწიფოებრივ გადაწყვეტილებას, სანქციებზე ხელის არ მოწერასთან დაკავშირებით.

– ძალიან მარტივია: შეუერთდე დასავლეთის მიერ შემუშავებულ არა ქმედუნარიან ნაბიჯებს, არის სისულელე! აი დასავლეთს, რომ გაეწია სამხედრო დახმარება და ჩართულიყო კონფლიქტში უკრაინის ტერიტორიული მთლიანობის სადარაჯოზე, მაშინ ღარიბაშვილს როგორც უკრაინის მდგომარეობაში მყოფ სახელმწიფოს არ ექნებოდა არავითარი მორალური უფლება არ დამდგარიყო დასავლეთის საერთო პოზიციაზე, მაგრამ ახლა პრაქტიკულად ღალატს აქვს ადგილო, ვიმეორებ სანქცია ფუჭი დროის ხარჯვაა, რომელიც საქართველოსთვის გამოიწვევს რთულ ეკონომიკურ პრობლემებს, რომლებსაც პოსტპანდემიური შესუსტებული ეკონომიკით ვერ გავუმკლავდებით და გავნადგურდებით!

– ახლა განადგურებული და დასავლეთისგან მიტოვებული უკრაინა ნეიტრალიტეტის ხვეწნის პროცესშია, რაზედაც გაცოფებული დათვი უარით პასუხობს!

– რატომ უნდა ჩავიგდოთ ჩვენთვის უძლეველ რუსეთთან საფრთხეში თავი თუ ამ ბრძოლაში რუსის საპირწონე სამხედრო ძალა (ნატო) ხელების დაბანვის პოზაში დგას! საჭიროა დროის გაწელვა მაინც და უკეთეს შემთხვევაში 2 წლის მოგება იმ იმედით, რომ რუსეთი ეკონომიკურად დასუსტდება და საქართველოსთვის აღარ მოიცლის!

– ასე, რომ მეგობრებო ჩემი მხარდაჭერა პრემიერს ამ მართლაც, რომ ბრძნულ და სახელმწიფოებრივ გადაწყვეტილებაში!”