თალიბანი: ორივე მხარეს მოვუწოდებთ თავშეკავებისკენ

ავღანეთის მთავრობა, რომელიც თალიბანის ხელმძღავნელობით მოქმედებს, აცხადებს, რომ „ყურადღებით აკვირდება ვითარებას უკრაინაში და შეშფოთებას გამოხატავს სამოქალაქო მსხვერპლის რეალური საფრთხის გამო“.

„ავღანეთის ისლამური საამირო ორივე მხარეს თავშეკავებისკენ მოუწოდებს. ყველა მხარემ უნდა შეიკავოს თავი ისეთი პოზიციების დაკავებისგან, რამაც შესაძლოა ძალადობრივი ქმედებები გაამწვავოს“, – წერია 25 თებერვალს გავრცელებულ განცხადებაში.

„ავღანეთის ისლამური საამირო, ნეიტრალური საგარეო პოლიტიკის კვალდაკვალ, მოუწოდებს კონფლიქტის ორივე მხარეს, რომ კრიზისი გადაჭრან დიალოგისა და მშვიდობიანი მოლაპარაკებების გზით“, – წერს თალიბანის მთავრობა, რომელმაც ძალაუფლება ხელში რამდენიმე თვის წინ, შეერთებული შტატების ძალების ქვეყნიდან გასვლის პარალელურად ჩაიგდო.

„საამირო ასევე მოუწოდებს მხარეებს, რომ ყურადღებ მიაქციონ ავღნელი სტუდენტებისა და მიგრანტების სიცოცხლის დაცვას უკრაინაში“, – წერია განცხადებაში.