რუსეთის საგარეო საქმეთა მინისტრის სერგეი ლავროვის თქმით, რუსეთის ფედერაციამ დონეცკისა და ლუგანსკის დამოუკიდებელ რესპუბლიკებად აღიარებით დონბასში მცხოვრები ადამიანების უმძიმესი ყოფა დაასრულა. მისი თქმით, ადგილობრივები კიევის რეჟიმის მხრიდან დამცირებისა და შეიარაღებული თავდასხმის მსხვერპლნი იყვნენ:
“რუსეთის ფედერაციამ აღიარა ლუგანსკის და დონეცკის სახალხო რესპუბლიკების დამოუკიდებლობა, როგორც სუვერენულმა სახელმწიფომ, რომელმაც დაასრულა დონბასში მცხოვრები ადამიანების ძალიან მძიმე ყოფა, რომელშიც ისინი იყვნენ 8 წლის განმავლობაში. ეს ხალხი გამუდმებით იყო დამცირებისა და კიევის რეჟიმის მხრიდან შეიარაღებული თავდასხმების მსხვერპლი. ეს იყო რუსოფობიისა და გენოციდის შედეგი. მე გაგახსენებთ რას ამბობდა ყოფილი პრემიერ-მინისტრი, რომ დონბასში მცხოვრები ადამიანები არ იყვნენ ადამიანები, ისინი იყვნენ არაადამიანები და ეს ესტაფეტა გადაიბარა პრეზიდენტმა ზელენსკიმაც, რომელმაც თქვა, რომ ადამიანები, რომლებიც პატივს სცემენ რუსულ ენას და უნდა რუსულ ენაზე საუბარი, უნდა წავიდნენ უკრაინიდან. ამ ხნის განმავლობაში ჩვენი დასავლელი კოლეგები მხარს უჭერდნენ უკრაინულ რეჟიმს და თვალს ხუჭავდნენ სამხედრო დანაშაულზე, რომელსაც ადგილი ჰქონდა ქალების, ბავშვების და მოხუცების წინააღმდეგ, არაფერს ამბობდნენ სამოქალაქო ინფრასტრუქტურის განადგურებაზე, ჩუმად იყვნენ ნეონაციზმსა და რუსოფობიაზე. რასაკვირველია, დასავლეთი დადგა კიევის რეჟიმის მხარეს და მათ არ ჰქონდათ ძალისხმევა, რომ არ მომხდარიყო მინსკის შეთანხმების ჩამონგრევა. ბოლო კვირების განმავლობაში კიევმა განიზრახა საბოლოოდ ძალისმიერი მეთოდით დაეპყრო დონეცკი და ლუგანსკი, გამოაცხადა ნატოში შესვლის უალტერნიტივობაზე და ბირთვული იარაღის ფლობაზე. ამ სიტუაციაში რუსეთის ფედერაციას არ შეეძლო არ გამხდარიყო ამ პროცესების მონაწილე. ჩვენი მოქმედებების საფუძველი თქვენი სახელმწიფო მეთაურების მომართვები გახდა. პრეზიდენტმა პუტინმა მიიღო გადაწყვეტილება დაეწყო სპეციალური სამხედრო ოპერაცია საზღვრის დელიმიტაციასთან დაკავშირებით”, – თქვა ლავროვმა.
კომენტარები