უკრაინაში განვითარებულმა მოვლენებმა უკვე ეკონომიკური ზარალი მოიტანა. ნავთობი სწრაფად გაძვირდა და ამ მომენტისთვის 1 ბარელის ფასმა 104 დოლარს მიაღწია. საერთაშორისო სანავთობო ბირჟები ჩამოშლის პირასაა.
დაძაბული ვითარებაა საქარველოშიც. დილიდანვე ლარმა სწრაფი გაუფასურება დაიწყო და ერთბაშად 10 პუნქტით დაეცა. ამჟამად “ბლუმბერგის” სავაჭრო სისტემაში 1 დოლარის ღირებულებამ 3.10 ლარს მიაღწია. აღსანიშნავია, რომ ქართული ვალუტა უკრაინულ გრივნაზე მეტად გაუფასურდა.
უკრაინულმა გრივნა დილიდან 3%-ით დაეცა და ამჟამად 1 დოლარი დაახლოებით 30 გრივნა ღირს. ამ დროს ქართული ლარი სულ რაღაც 2 საათში 3.2%-ით დაეცა.
რუსული რუბლი კი დოლართან მიმართებით მკვეთრად გაუფასურდა. ერთი დოლარი 89 რუბლი ღირს, რაც თითქმის 9%-იანი გაუფასურებაა რამდენიმე საათის განმავლობაში.
კომენტარები