ანალიტიკოსი არჩილ გამზარდია საქართველოს ყოფილი პრეზიდენტის, მიხეილ სააკაშვილის გადაწყვეტილებას უვადო შიმშილობის გამოცხადებაზე სოციალუირ ქსელში ეხმიანება:
„სააკაშვილის შიმშილობა, ერთი მხრივ, გასაგებია, აქტიურობის თვალსაზრისით, ან კლინიკაში გადასვლის თვალსაზრისით, მაგრამ როგორც პოლიტიკური აქტიურობა, არა მგონია მიიღოს ის ემპათია, რაზეც ასევე არის ხოლმე გათვლილი შიმშილობა.
თუ მხოლოდ კლინიკაში გადასვლის მოტივაციით და ზოგადი აქტიურობითაა გამიზნული მესამე პრეზიდენტის გადაწყვეტილება, მაშინ გასაგებია, სხვა მიზნებიც თუ აქვს მსგავს გადაწყვეტას, ვფიქრობ, ვერ განხორციელდება.
იმედი მაქვს, მიხეილ სააკაშვილის მხარდამჭერები მოუწოდებენ შიმშილობის შეწყვეტისკენ მისივე გაფრთხილების მიზნით, ყოფილი პრეზიდენტი კი თავისივე ხალხის თხოვნას მიიღებს და აღსრულებს კიდეც“ -წერს გამზარდია.
კომენტარები