ლანჩუთის მუნიციპალიტეტის მერიისა და საკრებულოს თანამშრომლებს ხელფასები გაეზარდათ. მაღალი თანამდებობის პირებს ანაზღაურება 50%-ით გაეზარდათ, ხოლო სიპ-ებისა და აიპ-ების თანამშრომლები ისევ 180 ლარიან ხელფასსს მიიღებენ.
ფაქტს სხდომაზე დაპირისპირება მოჰყვა. ოპოზიციამ გადაწყვეტილებას მხარი არ დაუჭირა.
„ნაციონალური მოძრაობის“ განცხადებით, აღნიშნული საკითხის დაკანონებისას, დარღვეულია რიგი პროცედურები.
ნაციონალური მოძრაობის“ რაიონული ორგანიზაციის თავმჯდომარე კახა ასკურავამ საკრებულოს ინიციატივით მიმართა, რომ მასზე უარი თქვან და 6 თვის განმავლობაში აღნიშნული თანხა სოციალურად დაუცველ ოჯახებს ხვნა – თესვის სამუშაოებისთვის გადაეცეთ.
„მერიის ხელფასების მატება იყო აბსოლუტურად უკანონო, მათ დაარღვიეს ყოველგვარი პროცედურა, არ დაიწყეს ადმინისტრაციული წარმოება და პირდაპირ საკრებულოს სხდომაზე „შემოაგდეს“. ჩემთვის ეს სიურპრიზი იყო, თუმცა ვიცოდი, რომ ასე ჩუმად, ქურდულად აპირებდნენ ამის შემოტანას. მოდის ხვნა-თესვის პერიოდი, საწვავი უკვე სამი ლარი გახდა, ესენი იძახდნენ მიშა იპარავდაო და ახლა ვინ იპარავს, მაინტერესებს. 6 თვის ხელფასი გამოდის 400 000 ლარი, რომლებსაც თანამდებობის პირები აიღებენ. ეს გაგვეჩერებინა და მიგვემართა საწვავის ვაუჩერებისკენ სოციალურად დაუცველი ფენისთვის“, – განაცხადა კახა ასკურავამ.
„ქართული ოცნებაში“ ოპოზიციის ბრალდებებს აბსურდულს უწოდებენ და აცხადებენ, რომ ხელფასების ზრდა კანონის სრული დაცვით განხორციელდა.
კომენტარები