ჟურნალისტი, ლაშა ბერულავა:
“უკრაინის თემის გარშემო გული რაზე მწყდება, გეტყვით: ბევრმა იცით, ქართულადაცაა ნათარგმნი, რონალდ ასმუსის “მცირე ომი, რომელმაც მსოფლიო შეძრა”, 2008 წლის ომზეა.
იქ, წყაროების, მათ შორის, რუსული გამოცემების ზუსტი ციტირებით არის დადასტურებული, რომ მინიმუმ, 2006 წელს და მაქსიმუმ, 2008 წლის დასაწყისში, ევროელიტამ ზუსტად იცოდა, რომ რუსეთი საქართველოში ომს დაიწყებდა 2008 წლის ზაფხულში.
თუ სწორად მახსოვს, ერთერთი ევროპარლამენტარი წიგნის ავტორთან საუბარში ომის დაწყების თარიღად პირდაპირ ასახელებდა 2008 წლის აგვისტოს.
და მაინც, არავინ იბერტყავდა ყურს და არც შეიბერტყავდა, რომ
არა აგვისტოს ომის დაწყების პირველ დღეებში კონდოლიზა რაისსა და სერგეი ლავროვს შორის შემდგარი სატელეფონო საუბარი, სადაც სერგეი ლავროვმა პირდაპირ განაცხადა, რომ რუსეთი წინსვლას გააგრძელებს მანამ, სანამ მიხეილ სააკაშვილი და მისი ხელისუფლება არ წავა.
მხოლოდ ამის შემდეგ გადადგა მთავარი ნაბიჯი აშშ-მა და სწორედ რუსეთის საავიაციო ძალების ბომბდამშენების და გამანადგურებლების სავარაუდო მარშრუტის შესწავლა გახდა ვაშინგტონის შეშფოთების საფუძველი, როცა მიხვდნენ, რომ რუსული ავიაციის სამიზნე თბილისი იყო…
ანუ, იმის თქმა მინდა, რომ მსოფლიო მაშინაც, თუნდაც 2008 წლის მაის-ივნისში ისეთივე ერთიანი რომ ყოფილიყო რუსეთის მოსალოდნელი აგრესიის წინააღმდეგ, როგორიც ახლაა უკრაინასთან მიმართებაში, დარწმუნებული ვარ, არც 2008 წლის ომი დაიწყებოდა, არც 2014 წლის ყირიმის ანექსია მოხდებოდა, არც ლუგანსკის და დონეცკის ოლქების ხელოვნური პრობლემები შეიქმნებოდა და დღეს არ დაისმებოდა შეკითხვა: “დაარტყამს უკრაინას თუ არ დაარტყამს…”
ციტატები ასმუსის წიგნიდან კომენტარებში.
კომენტარები