“აქ ბევრი სამუშაო ადგილია, ყველას უხარია, დალხენილები ვართ! ვინც სხვაგვარად ფიქრობს ცუდია, ოპოზიციონერია, უმადური და შურიანია!” – სადღობელაშვილი

სამოქალაქო აქტივისტი, ლადო სადღობელაშვილი:

“- უსახლკაროს არ მივცეთ ბინა, (გვატყუებს ბევრი აქვს და კიდევ უნდა)

– სოცდაუცველს არ მივცეთ ფულადი დახმარება (გვატყუებს ჩარიცხვები აქვს)

– ვეტერანს არ შევახოთ შეღავათები (გვატყუებს არ უბრძოლია)

– შშმპ არ დავეხმაროთ (გვატყუებს ჯანმრთელია)

– მრავალშვილიან დედას არ შევუწყოთ შვილების გაზრდაში ხელი (გვატყუებს არ ჰყავს ბევრი შვილი)

– ახალგაზრდობა ემიგრაციაში არ გაედინება (გვატყუებს არსად წასულა)

– ფასები არ გაზრდილა ( გვატყუებეეენ, გვეჩვენებააა)

მოკლედ, ყველა გვატყუებს, ცუდი ყველაფერი გვეჩვენება… მხოლოდ ხელისუფალი, ჩინოვნიკები და მმართველი პარტიაა მართალი და სამართლიანი “კიდო”!

– არც ერთი ჩინოვნიკი არ არის გაზულუქებული, არცერთს არ ჰყავს ბევრი მანქანა, არც ერთს არ აქვს ბევრი უზარმაზარი ბინა! არცერთ მოხელეს არ მიუთვისებია სახელმწიფო მიწები (ჰექტრობით), არც ხელფასს მოიხმარენ – არიგებენ სხვადასხვა ფონდებში, არც აყვავებული ბიზნესი აქვთ, არცერთი არ იყენებს თავის თანამდებობებს კეთილდღეობისთვის, არც კორუფციაა, საერთოდ საქართველოში არ ცხოვრობენ შეჭირვებულები, ეგენი ზარმაცები არიან, მუშაობა ეზარებათ, პროვოკატორები ეგენი (ნაცები)…

– აქ ბევრი სამუშაო ადგილია, აქ ყველაფერი ყვავის, აქ ყველას უხარია ცხოვრება! დალხენილები ვართ! ვინც სხვაგვარად ფიქრობს ოპოზიციონერია! ცუდია! პროვოცირებს, ინტრიგნობს, უნახავია, უმადური და შურიანია!

Ps საერთოდ რატომ ვსაუბრობთ პრობლემებზე და ნეგატივზე? გამორთეთ ტელევიზორი, გათიშეთ დენი, ნუ ვისარგებლებთ ინტერნეტით… არც წიგნი წაიკითხოთ განათლებულ ადამიანს სურვილებიც დიდი აქვს! ხო სულ დამავიწყდა – სხვათაშორის თბილისის ზოოპარკში სპლიყვი დაიბადა სახელად “ბაჩო” (სსრკ 1988 წელი)”