“უკრაინაში შეჭრა დამოკიდებულია ადგილზე არსებულ სიტუაციაზე” – პუტინი

გერმანიის კანცლერთან, ოლეფ შოლცთან შეხვედრის შემდეგ გამართულ პრესკონფერენციაზე, რუსეთის პრეზიდენტმა, პუტინმა, კითხვას. გააგრძელებს რუსეთი ჯარების უკან გაყვანას, თუ შეიჭრება ის უკრაინაში, ასე უპასუხა:

“რუსეთი იმოქმედებს გეგმის მიხედვით. რა იქნება ეს გეგმა? დამოკიდებულია ადგილზე არსებულ სიტუაციაზე. ვინ შეძლებს ამაზე პასუხის გაცემას, ვერავინ. ეს მხოლოდ ჩვენზე არაა დამოკიდებული. ჩვენ კვლავ გვესმის, რომ უკრაინა NATO-ში შესასვლელად მზად არ არის და მას ხვალ არ მიიღებენ, მიიღებენ მას შემდეგ, რაც მზად იქნება, მაგრამ ეს ჩვენთვის შესაძლოა დაგვიანებული იყოს. ეს საკითხები ახლა უნდა გადაწყდეს, მოლაპარაკებების გზით”