“ოპოზიციამ მიმატოვა… გამოდით მეგობრებო, დატოვეთ მანდატები, რამდენჯერ უნდა შევრცხვეთ ხალხთან?” – შალვა ნათელაშვილი

“ლეიბორისტული პარტიის” ლიდერი, შალვა ნათელაშვილი, ტვ პირველთან, ამბობს:

“მე დამიმარტოხელეს, იმიტომ რომ ოპოზიციამ მიმატოვა და შევიდა პარლამენტში და ახლა ანგარიშს ასწორებს ტირანი მთლიანად ჩემზე, იმის გამო, რომ ხელისუფლებას ვაკარგვინებდით იმ ფორმატით, რაც ოპოზიციურ ერთობას გულისხმობდა – ამიტომ უნდა დავაბრუნოთ ის მდგომარეობა, გამოდით მეგობრებო, დატოვეთ მანდატები, რა დროს რუსთავის არჩევნებია, რა დროს წალენჯიხის არჩევნებია, მანდატს წაგაგებინებენ, კიდევ რამდენჯერ უნდა შევრცხვეთ ხალხთან.

ერთი – დატოვეთ მანდატები.

მეორე – ხალხი გაემზადოს ქუჩაში გამოსასვლელად.

მესამე – ამერიკამ დაადოს სანქციები და ამერიკის ელჩი გაიწვიონ აქედან, ადვოკატია ბიძინა ივანიშვილის.

ეს სამი ფაქტორი თუ ამუშავდება, ივანიშვილის რეჟიმი რამდენიმე დღეში დასრულდება. თუ ეს არ ამუშავდება, ივანიშვილი 2024 წელსაც გაიფორმებს გამარჯვებას, ისე მოქმედებს ტირანია. სამაგალითო ტერორს აწყობენ ჩვენ წინააღმდეგ, რომ არავინ გამოაცხადოს ბოიკოტი და ყველა შევიდეს პარლამენტში და უთხრას, ო, დიდო ბრძანებელო.

არავითარი ახალი არჩვენები, არავითარი მონაწილეობა. პარლამენტიდან უნდა გამოვიდეთ – გარეთ, ქუჩა. რა მხარდაჭერა, წააგებინებენ ბატონ ბადრის. ჩემი კეთილი რჩევა ბატონი ბადრისადმი, მისმა პარტიამაც დატოვოს პარლამენტი და მოხოხდება ბიძინა და მისი ბანდა, ოღონდ თქვენ ახლა შეჩერეთ ზეწოლა, სანქციები არ დაუწესონ ჩვენ ბატონს, არ დაუყადაღონ ქარვასლა და ახალი არჩევნები ჩავატაროთო.

რეალური ცვლილება გვინდა, თუ კოსმეტიკური?

რეალური პროტესტია საჭირო და არა დღეს შეტევა, ხვალ უკან დახევა და კენჭისყრა.”