უკრაინაში საქართველოს ელჩი გიორგი ზაქარაშვილი საქართველოს მოქალაქეებს აფრთხილებს, რამდენიმე დღის განმავლობაში მოგზაურობისგან თავი შეიკავონ.
„ერთადერთი რეკომენდაცია არის ის, რომ, როგორც მოგეხსენებათ გავრცელდა ინფორმაცია, რომ გარკვეული რეისები მოიხსნა, გარკვეული რეისები გადაიდო. არის რაღაც სირთულეები დაზღვევასთან დაკავშირებით თვითმფრინავების. შესაბამისად, რომც არ იყოს დიდი ფიზიკური საფრთხე, იმის საფრთხე მაინც ნამდვილად ჩანს, დღეს, რომ რაღაც რეისი მოიხსნას, რაღაც გადაიდოს, რაც მათ დამატებით პირობებს შეუქმნის. ამიტომ ჩემი პირადი მოსაზრებაა, თუ მათთვის ძალზედ მნიშვნელოვანი ვიზიტი არ არის, რამდენიმე დღე თავი შეიკავონ, სანამ ეს საჰაერო ტრაფიკი დალაგდება და ცხადი იქნება, არის თუ არა რაიმე სირთულეები ამ კუთხით. ცა დახურული უკრაინის ხელისუფლების მიერ არ არის, აეროპორტები დახურული არ არის. შესაბამისად ყოველი კომპანია თავისი რეგულაციებიდან გამომდინარე იღებს შესაბამის გადაწყვეტილებას“, – განაცხადა ზაქარაშვილმა.
კომენტარები