რუსეთში, ვალენტინობის წინა დღეებში ხელბორკილებზე მოთხოვნა 8-ჯერ არის გაზრდილი. ინფორმაციას ამის შესახებ რუსული პრესა ინტერნეტპლატფომა Wildberries-ის პრესსამსახურზე დაყრდნობით ავრცელებს
ინტერნეტპლატფორმა Wildberries-ის პრესსამსახურის თანახმად, რუსეთში, 26 იანვრიდან 8 თბერვლის ჩათვლით პერიოდში, შარშანდელ ანალოგიურ პერიოდთან შედარებით 217%-ით მეტი ვალენტინობის დღესასწაულის სიმბოლიკიანი სუვენირი შეუკვეთეს. განსაკუთრებით დიდი მოთხოვნაა გულსაკიდებზე, ბეჭდებზე, სამაჯურებზე. ყველაზე ძვირადღირებული (54 ათასი რუბლი) ბრილიანტის და ლალის თვლებიანი წითელი ოქროს (სპილენძის მაღალი შემცველობის ოქრო, როგორც წესი 583 სინჯის – „აიპრესი”) ბეჭედი მოსკოვის ოლქის მცხოვრებმა შეუკვეთა.
სამკაულების გარდა, მყიდველი ინტიმური ნივთების მიმართ იჩენდა ინტერესს. პრეზერვატივებზე მოთხოვნა 106%-ით, სექს-საქანელებზე 471%-ით, ხოლო ხელბორკილებზე კი 661%-ით (თითქმის 8-ჯერ) არის გაზრდილი.
ასევე გაიზარდა მოთხოვნა წითელ საცვლებსა და ხავერდის თეთრეულის კომპლექტებზე, სანთლებზე – 129%-ით, გულის ფორმის გასაბერ ბუშტებზე – 245%-ით
კომენტარები