კულტურის მინისტრმა, თეა წულუკიანმა სამეცნიერო კვლევები შეაჩერა. „ტვ პირველის“ ცნობით, შოთა რუსთაველის ფონდის მიერ დაფინანსებული 123 პროექტიდან შესაძლოა, 13 აღარ განხორციელდეს. მიზეზად კონკურსის არასწორად ჩატარება სახელდება.
კონკურსში გამარჯვებულებს შორის ის ადამიანები არიან, რომლებიც თავის დროზე წულუკიანის რეპრესიების ქვეშ აღმოჩნდნენ, მათ შორის არის ეკა კიკნაძე, ხელოვნების მუზეუმის ყოფილი ხელმძღვანელი. იურისტი, სულხან სალაძე ამბობს, რომ წულუკიანი მეცნიერების წინააღმდეგ პოლიტიკურ რეპრესიებს მიმართავს და მეცნიერებს სჯის. წულუკიანის გადაწყვეტილების შედეგად შესაძლოა, 100-ზე მეტი მეცნიერი უმუშევარი დარჩეს.
ეს ნიშნავს დაახლოებით 2 მილიონი ლარის საგრანტო დაფინანსებაზე უარის თქმას. 100-ზე მეტი მეცნიერის უმუშევრად დატოვებას. დღეს გვეუბნება კულტურის სამინისტრო, რომ თურმე ეს რაღაცა პროცედურების დარღვევებით ყოფილა ეს ყველაფერი და ისინი უარს ამბობენ ამ პროექტების მიღებაზე. წულუკიანი სჯის იმ მეცნიერებს, რომლებიც უკვე გაათავისუფლა სამუზეუმო სისტემიდან და ტოტალურად აკონტროლებს ყველას, რომ მისი ნებართვის გარეშე არაფერი არ დაფინანსდეს”, – ამბობს იურისტი, სულხან სულაძე.
კომენტარები