მიხეილ სააკაშვილი მკურნალობა ამ დრომდე არ მიმდინარეობს და ციხეში ექიმებსაც არ უშვებენ. ცენტრ “ემპათიას” ხელმძღვანელი ამბობს, რომ სააკაშვილს სასჯელაღსრულების დაწესებულებაში ისეთ პრეპარატს ასმევენ, რომელიც მის კიდევ უფრო დამძიმებას იწვევს.
„პენიტენციური სამსახური უკვე დიდი ხანია იქცევა სრულიად არაადეკვატურად, ჩვენ არ გვსმანია მათგან ჯანმრთელობის მდგომარეობის შესახებ, მიუხედავად იმისა, რომ თვითონ პატიმარი აცხადებს თანხმობას და რომ მის მიმართ არის არასათანადო სამედიცინო მომსახურება. ნევროლოგიურ პრობლემებზე ანტიფსიხოზური პრეპარატის მიცემა თუკი უკიდურესი აუცილებლობა არ არის ამისი, არის დაუშვებელი, ვინაიდან იწვევს კიდევ უფრო დამძიმებას და დათრგუნვას ფსიქიკური ფუნქციების”, – ამბობს ჯიშკარიანი.
„ემპათიის“ ხელმძღვანელის თქმით, ადეკვატური და შესაბამისი მკურნალობის არარსებობამ შეიძლება მესამე პრეზიდენტის დაინვალიდება გამოიწვიოს.
„სააკაშვილს სჭირდება ადეკვატური და შესაბამისი მკურნალობა, რასაც ის არ იღებს ეს არის ძალიან საშიში გზა, რამაც შეიძლება გამოიწვიოს ადამიანის დაინვალიდება. არანაირი პროგრესი, ჩვენს ხელთ არსებული ინფორმაციით არ არის მის ჯანმრთელობის მდგომარეობაში, და ამაზე პასუხი რა თქმა უნდა, უნდა აგოს პენიტენციურმა სამსახურმა“, – აცხადებს მარიამ ჯიშკარიანი.
კომენტარები