ეს არის ერთგვარი “სტარტი”, რომელიც შედეგს დადებს – ოთარ აბესაძე ეკონომიკის ახალ მინისტრს „შპარგალკას“ სთავაზობს

ეკონომიკის დოქტორი, პროფესორი ოთო აბესაძე სოციალური ქსელის საშუალებით ეკონომიკის ახალ მინისტრს მიმართავს და „ეკონომიკურ შპარგალკას“ სთავაზობს:

„რეალური, მიღწევადი და გადაუდებელი ეკონომიკური “შპარგალკა” ეკონომიკის ახალ მინისტრს.

გადასახადები.

1.იმპორტის დასაბეგრი ოდენობა 300 ლარიდან ავიდეს 3 000 ლარზე. ასევე იმპორტის გადასახადი დაჯდეს 5% – ზე.

2.დღგ – ს გადასახადი 18% ჩამოვიდეს 10% – ზე ერთი დათქმით. ე.წ. ესტონური მოდელის პრინციპით ანგარიშგების ფაქტზე დაყრდნობით გათავისუფლებულ 8% – ს თუ ჩააბრუნებს კვლავ ბიზნესში.

3.საწვავზე აქციზის გადასახადი სრულად უნდა გაუქმდეს. P.S. დღგ-ს რეფორმა და აქციზის გაუქმება 1 ლიტრ საწვავს გააიაფებს საშუალოდ 80 თეთრით.

ქონება.

1.სახელმწიფო ბალანსზე არსებული მიწების და შენობების გადაცემა შესაბამისი პროპორციული ვალდებულებებით ინვესტორებზე 1 ლარად. თუ პირობითად მიწა შეფასებულია 3 მილიონ ლარად, მომდევნო 5 წელში საინვესტიციო თანხა უნდა იყოს მინიმუმ 5 ჯერ მეტი.

2.ინვესტიციების მოსაზიდად წახალისდეს ჰესების მშენებლობა და ლიცენზირება გახდეს მარტივი.

3.თავისუფალი ეკონომიკური ზონების შექმნა საქართველოს ყველა რეგიონში. (ბუფერი)

ტურიზმი

1.2025 წლამდე სრული საგადასახადო ამნისტია ტურისტულ სექტორში არსებულ ეკონომიკურ აქტორებზე.

2.მარიხუანას დეკრიმინილიზაცია,

ამ ინიციატივებით (საგადასახადო ნაწილში) ბიუჯეტს საშუალოდ დააკლდება 3 მილიარდი ლარი, თუმცა არაუშავს. მცირე მთავრობის კონცეფციით დააბალანსებთ . თქვენც შემოიჭირეთ ქამრები .

სამაგიეროდ ლაფერის მრუდის პრინციპით ნაკლები გადასახადი ქმნის მეტ გადასახადის გადამხდელს.

ეს არის ერთგვარი “სტარტი”, რომელიც შედეგს დადებს 18 თვეში ინფლაციის კუთხით, მონეტარული პოლიტიკის კუთხით და მშპ-ს ზრდის კუთხით,“- წერს აბესაძე.