10 თებერვალს ხუთი წელი სრულდება, რაც ჩემი ძმის წამება მიმდინარეობს! – ამის შესახებ ე.წ. ციანიდის საქმეში მსჯავრდებული დეკანოზ გიორგი მამალაძის ძმა, თორენიკე მამალაძე სოციალურ ქსელში წერს.
5 წლის წინ, 10 თებერვალს ხელისუფლებამ და საპატრიარქომ ერთობლივად დაიწყეს ჩემი ძმის წამება. ამ წლების განმავლობაში პერიოდულად გვეძლეოდა იმედი, რომ გონს მოეგებოდნენ და უდანაშაულო ადამიანი გათავისუფლდებოდა საპყრობილედან. ყოველ ჯერზე გვიცრუვდებოდა იმედი. სამწუხაროდ ჩვენს ქვეყანაში არ არსებობენ ძალები, რომლებსაც გააჩნიათ სურვილი ან შესწევთ ძალა ქმედითად აღუდგნენ წინ უსამართლობას. არც საზოგადოება არის იმდენად სოლიდარული, რომ ხელისუფლებას შეეშინდეს უსამართლობის ჩადენის. აი ეს არის რეალობა: საქართველოში წმინდა გიორგის სიმბოლო ვერ ამარცხებს ბოროტებას. ურჩხული თავისუფლად მოქმედებს და კვლავაც აგრძელებს ადამიანების განადგურებას. რატომ? იმიტომ რომ თანამედროვე ცივილიზაციაში ბოროტების ძლევას არა მისტიკური მახვილი, არამედ შემდგარი და ერთ მუშტად შეკრული საზოგადოების ნება სჭირდება, გასაქანი არ მისცეს ბოროტებას. 10 თებერვალს ხუთი წელი სრულდება, რაც ჩემი ძმის წამება მიმდინარეობს!!!” – წერს თორენიკე მამალაძე.
კომენტარები