გარდაიცვალა თეატრალური მხატვარ-დეკორატორი მირიან შველიძე

მხატვარი და თეატრალური დეკორატორი მირიან შველიძე 75 წლის ასაკში გარდაიცვალა.
შველიძე 1975 წლიდან დღემდე რუსთაველის სახელობის თბილისის სახელმწიფო დრამატული თეატრის მთავარი მხატვარი იყო.
„რუსთაველის ეროვნული თეატრი უდიდეს მწუხარებას განიცდის!“ – ნათქვამია თეატრის ფაცებოოკ-ის ოფიციალურ გვერდზე გამოქვეყნებულ სამძიმრის ტექსტში.

შველიძის გაფორმებულია სპექტაკლები: „ყვარყვარე“, „რიჩარდ III“, „მეფე ლირი“, „ტიტუს ანდრონიკუსი“, „მაკბეტი“, „დარისპანის გასაჭირი“, „ჯაყოს ხიზნები“ და სხვ.
მირიან შველიძეს საქართველოს სახალხო მხატვრის წოდება ჰქონდა, ასევე იყო შოთა რუსთაველის სახელობის სახელმწიფო პრემიის ლაურეატი.