ველისციხის და გურჯაანის ეპარქიის მღვდელმსახურს საზოგადოების დახმარება სჭირდება. მამა ილიას (ჩიკვაიძე) ჯანმრთელობის მდგომარეობა კორონავირუსული ინფექციის გადატანის შემდეგ გართულდა.
სასულიერო პირს, ორი კვირის განმავლობაში, თბილისში, ინფექციური საავადმყოფოს რეანიმაციულ განყოფილებაში მკურნალობდნენ.
მამა ილიას მკურნალობის გაგრძელება სჭირდება, რაც საზოგადოების დახმარების გარეშე ვეღარ ხერხდება.
ახლობლების ინფორმაციით, სასულიერო პირს სხვა დაავადებაც აქვს, რაც კორონავირუსის გამო, კიდევ უფრო პროგრესირებადი გახდა.
„ძალიან მძიმედ იყო და საავადმყოფოში გადაარჩინეს. ახლა სახლშია და მკურნალობის გაგრძელებაა საჭირო. საზოგადოების მხარში დგომა, უმნიშვნელოვანესია. მამა ილია ვაქცინირებული არ არის, მაგრამ არ ეწინააღმდეგება აცრას და თავადაც, ჯანმრთელობის მდგომარეობის გაუმჯობესების შემდეგ, ვაქცინაციას აპირებს. იყო გარემოებები, რის გამოც, მან კოვიდის დადასტურებამდე, ეს ვერ შეძლო“,- ამბობენ მისი მეგობრები.
დახმარების მსურველებმა შეგიძლიათ თანხა ჩარიცხოთ, თიბისი ბანკის ანგარიშზე:
GE15TB7426345063600037
მიმღები: ნუგზარი ჩიკვაიძე
კომენტარები