“იქნებ გამცეს ოცნებამ და მისმა ლიდერებმა პასუხი…” – ნორა კვიციანი

ნორა კვიციანი:

“საკითხი ისევ გადაუწყვეტელია რადგან აღნიშნული საქმის წარმოება შეაჩერა სააპელაციო სასამართლომ. მან წარდგიმებით მიმართა საკონსტიტუციო სასამართლოს 2021 წელს თუმცა ეს წარდგინება წარმოებაშიც არაა მიღებული დღემდე.

ამასთან ჩემს მიერ 2019 წელს 19 თებერვალს წარდგენილია სარჩელი საკონსტიტუციო სასამართლოში #1400 სარჩელი გახლავთ. #1400 სარჩელი განიხილა საკონასტიტუციო სასამართლომ 2021 წლის 21 აპრილს თუმცა ჯერ გადაწყვეტილება არ არის მიღებული.

ამასთან საკონსტიტუციო სასამართლომ განმიმარტა რომ თურმე საქმის განხილვის ვადაში არ შედის გადაწყვეტილების გამოცხადების ვადა.
მე ჩავთვალოთ მიუხედავად ჩემი 22 წლიანი სტაჟისა და განათლებისა ვერ წავიკითხე ამ წლების მანძილზე ვერც კანონი, ვერც კანონის განმარტებები და ვერც იურიდიული ლიტერატურა რას ნიშნავს საქმის განხილვის ვადა. მაგრამ სამართლიანი სასამართლოს პრინციპი გულისხმობს იმას რომ მოქალაქეს გონივრულ ვადაში ეცნობოს საქმის შედეგი და არა საშვილიშვილოდ მოლოდინის რეჟიმში ყოფნა.

ასევე ის განმარტება რომელიც კულუარებში და პარლამენტში ისმის რომ საკონსტიტუციო სასამართლოს თურმე შეუძლია საერთოდ არაფერი გამოაცხადოს საერთოდ ყველაფერს მოკლებულია.

ჰოდა იქნებ გამცეს ოცნებამ პასუხი და მისმა ლიდერებმა რას ნიშნავს სამართლიანი სასამართლო და მართლმსაჯულების განხორციელება. მსგავსი ქმედება რეალურად არის მართლმსაჯულების განხორციელებაზე უარის თქმა!!!

მსოფლიოს არ ახსოვს რომელიმე ქვეყანას 16 წელზე მეტი ვერ განეხილა ვინმეს საქმე და უდანაშაულო მოქალაქეები დაესაჯა. აღნიშნული ფაქტის საქართველოს მხრიდან განხორციელება არის მართლმსაჯულების განხორციელებაზე უარი, აღიარება იმის რომ პოლიტ დავებს ხელოვნურად აფერხებს და დემოკრატიულ სახელმწიფოში ვერ სრულდება კანონის ვერცერთი მოთხოვნა მოყოლებული 2006 წლიდან ამ კონკრეტულ შემთხვევაში!

ვფიქრობ აღნიშნული საკითხი უნდა გახდეს მსოფლიოში განსჯის თემა და ყველა ელჩს კვლავ უნდა ეცნობოს ეს თემა და არა მხოლოდ მათ! საინტერესოა დემოკრატიის შუქურას დამცველების პოზიცია როგორაა უდანაშაულოების დასჯის თემა მოსაწონია??”