ანალიტიკოსი, ლევან ნიკოლეიშვილი:
“ცოტა უცნაურად მეჩვენება, როდესაც დევნილები მინისტრის მოადგილეს შეხვდნენ, გარკვეულ საკითხებზეც, საკმაოდ მშვიდობიანად შეთანხმდნენ და მიუხედავად ამისა, მოულოდნელად ისევ პროტესტი, და ისევ რადიკალური ფორმები.
ალბათ საყურადრებოა, და ვისაც ეხება, განსაკუთრებით კი შესაბამის უწყებებს, თუ რატომ მოხდა ასე. ძალიან მინდა ვცდებოდე, მაგრამ რაღაც იმ პროვაკაციის სუნი უდის ამ ყველაფერს, რასაც სააკაშვილი ციხიდან თავის დამქაშების მეშვეოობით აანონსებდა, ყველგან და ყველაფერი უნდა ავურიოთ, და ავაყირავოთო. ისიც, გავიხსენოთ, როგორ სათავისოდ, პოლიტიკური ქულების დასაწერად როგორ იყენებენ, ხოლმე თითეული ადამიანისა გაჭირვებასა და უბედურებას
სწორედ, ამიტომ აუცილებელ და გადაუდებელ ღონისძიებად მიმაჩნია, რომ სამართალდამცავმა სტრუქტურებმა მაქსიმალურად სწრაფად და ოპერატიულად გაარკვიონ ყველაფერი!”
შეგახსენებთ, სანატორიუმ “ქართლში” მცხოვრებმა დევნილმა სიცოცხლე თვითმკვლელობით დაასრულა.
დევნილები უკვე დიდი ხანია აქციებს მართავენ და ხელისუფლებას ალტერნატიული ფართებით დაკმაყოფილებას სთხოვენ. მათი თქმით, შენობა ავარიულია და ნელ-ნელა იშლება, ადგილზე ცხოვრება კი სიცოცხლისთვის საშიშია. დევნილება არაერთი აქცია გამართეს. ისინი ჯანდაცვის ახალ მინისტრთან შეხვედრას ითხოვდნენ, თუმცა, გუშინდელი მონაცემით, მინისტრი მათ არ შეხვდა და შეხვდა მოადგილე. თუმცა, აქციის მონაწილეები ამბობდნენ, რომ დაპირება აქამდეც ბევრი მოისმინეს და მოადგილეებს ნდობას არ უცხადებენ.
მათ აქცია გამართეს კანცელარიასთან და აქციის მონაწილეების თქმით, მათ ადმინისტრაციიდან უთხრეს, რომ წერილი დაეტოვებინათ პრემიერ ღარიბაშვილის სახელზე.
კომენტარები