გარემოს ეროვნული სააგენტოს ინფორმაციით, 13-დან 17 იანვრამდე საქართველოში ამინდის მკვეთრი გაუარესებაა მოსალოდნელია.
„დროგამოშვებით, მოსალოდნელია ნალექი, უმეტესად – თოვლის სახით, ზოგან ძლიერი, ჰაერის ტემპერატურის მნიშვნელოვანი დაკლება, ძლიერი ქარი, მთაში და მაღალმთაში ძლიერი თოვა, ნისლი და ქარბუქი, ზღვაზე 4-5 ბალიანი შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა, მთიან რეგიონებში ზვავსაშიშროება“, – აღნიშნულია სააგენტოს განცხადებაში.
გარემოს ეროვნულ სააგენტოში აცხადებენ, რომ, საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის, ლიპყინულისა და ზვავსაშიშროების გამო, შესაძლებელია, ტრანსპორტის მოძრაობა შეიზღუდოს.
13-16 იანვარს თოვლს ელოდებიან საქართველოს დედაქალაქშიც. თბილისში ტემპერატურა დღისით მხოლოდ +3 გრადუსამდე გათბება. 17 იანვრიდან კი გამოიდარებს, ტემპერატურა +4, მაქსიმუმ +8 გრადუსი იქნება.
კომენტარები