მომავალი 2 კვირის განმავლობაში ღამის კლუბების საქმიანობა ისევ იზღუდება. ღამის კლუბების გაერთიანების ACT4CULTURE-ის ხელმძღვანელმა დავით ლეჟავამ “მთავარი არხის” ვებგვერდს უთხრა, რომ ამ თემაზე მთავრობის ადმინისტრაციაში დღეს შეხვედრა გაიმართა.
მისი თქმით, შეხვედრას ოპერატიული შტაბის უფროსი გიორგი ღიბრაძე, მთავრობის ადმინისტრაციის უფროსი ილია დარჩიაშვილი და ბიზნეს ომბუდსმენი – ნინო კვენეტაძე ესწრებოდნენ.
მისი თქმით, შეხვედრას ოპერატიული შტაბის უფროსი გიორგი ღიბრაძე, მთავრობის ადმინისტრაციის უფროსი ილია დარჩიაშვილი და ბიზნეს ომბუდსმენი – ნინო კვენეტაძე ესწრებოდნენ.
“14-15 და 21-22 ვიქენდზე კლუბების ფუნქციონირება ისევ იზღუდება. მიზეზად სახელდება ომიკრონის სწრაფი გავრცელება”, – ამბობს დავით ლეჟავა.
მისივე თქმით, ბიზნეს ომბუდსმენის ოფისის სახით შეიქმნა საკომუნიკაციო პლატფორმა და შეხვედრები ყოველკვირეულ რეჟიმში გაიმართება. ლეჟავა ამბობს, რომ გრძელვადიანი პროგნოზის გაკეთება, თუ როდის აღადგენენ კლუბები მუშაობას, ამ ეტაპზე რთულია.
კომენტარები