ე.წ ფულის გათეთრების საქმეზე ხაზარაძე-ჯაფარიძე-წერეთლის სასამართლოს გადაწყვეტილებას სალომე სამადაშვილი სოციალურ ქსელში ეხმიანება:
“საკუთარი სიმართლის რწმენა, დიდი ძალაა-ეს აჩვენა ხაზარაძე, ჯაფარიძე და წერეთლის საქმემ. კანონი, რეჟიმის პოლიტიკური ინსტრუმენტია-ესეც. ანაკლია ჩაშალეს, რუსეთი კმაყოფილია.
ახალი პოლიტიკური პატიმრები, ამ ეტაპზე, ზედმეტი თავის ტკივილი იყო-სერიოზული საერთაშორისო წნეხი გაჩნდებოდა. კანონის უზენაესობა! სასამართლო რეფორმა! სამარცხვნო სიღარიბის და კორუფციის ჭაობიდან ამოსვლა! ნატოში სწრაფად გაწევრიანება! ჩვენი კუთვნილი ადგილის მოპოვება ევროპაში! ესაა ჩვენი მიზნები. ამისთვის კი, ამ სამარცხვინო მთავრობის სახლში გაშვებაა აუცილებელი. დიახ, დემოკრატიული გზით, ისე, როგორც ამას ჩვენი საყვარელი ქვეყანა და ხალხი იმსახურებს. – წერს სალომე სამადაშვილი.
3-წლიანი სასამართლო პროცესის შემდეგ სასამართლომ მამუკა ხაზარაძეს, ბადრი ჯაფარიძესა და ავთანდილ წერეთელს ფულის გათეთრების მუხლი ჯგუფურად ჩადენილი დიდი ოდენობის თაღლითობის მუხლით გადაუკვალიფიცირა, დამნაშავედ სცნო და სამივეს 7 წლით თავისუფლების აღკვეთა მიუსაჯა. თუმცა, დანაშაულის ხანდაზმულობის გამო მათ არ დააპატიმრებენ.
კომენტარები