“გვსურს გარანტია, რომ უკრაინა და საქართველო არასოდეს გახდებიან ჩრდილოატლანტიკური ალიანსის წევრები” – სერგეი რიაბკოვი

რუსეთის საგარეო საქმეთა მინისტრის მოადგილე სერგეი რიაბკოვი ჟენევაში რუსეთ – აშშ-ის მოლაპარაკებების დასრულების შემდეგ აცხადებს:

„ჩვენ ხაზს ვუსვამთ, რომ ჩვენთვის აბსოლუტურად იმპერატიულია, დავრწმუნდეთ, რომ უკრაინა არასოდეს გახდება ნატოს წევრი.

ჩვენ გვსურს, რომ ნატოს მადრიდის სამიტზე 2008 წლის ბუქარესტის სამიტზე მიღებული ფორმულა გაუქმდეს და შეიცვალოს შემდეგი სიტყვებით: „უკრაინა და საქართველო არასოდეს გახდებიან ჩრდილოატლანტიკური ალიანსის წევრები.

ჩვენ არ ვენდობით მეორე მხარეს. ჩვენ გვჭირდება მყარი, იურიდიულად მნიშვნელოვანი გარანტიები, არა დაპირებები, არამედ გარანტიები, ეს არის რუსეთის ეროვნული უსაფრთხოების საკითხი“