უკრაინის უსაფრთხოების სამსახური აცხადებს, რომ რუსეთის სამხედრო დაზვერვის აგენტი დააკავა, რომელიც ოდესის პორტზე თავდასხმას გეგმავდა.
რუსეთის ოფიციალურ უწყებებს, დაკავების შესახებ ამ დრომდე განცხადება არ გაუკეთებია.
“უსაფრთხოების სამსახურის ოფიცრებმა რუსული სამხედრო დაზვერვის აგენტი გამოავლინეს, რომელიც ოდესის რეგიონში ტერორისტული აქტების სერიას გეგმავდა. მისი კურატორები რუსული სამხედრო დაზვერვის წარმომადგენლები იყვნენ, რომლებიც მოქმედებენ არაღიარებული დნესტრისპირეთის რესპუბლიკის ტერიტორიიდან. კრიმინალის მთავარი ამოცანა დივერსიის გზით, ოდესის რეგიონში პოლიტიკური ვითარების არევა იყო“, – აცხადებს უკრაინის უსაფრთხოების სამსახურის სპიკერი, არტემ დეტიარენკო.
უკრაინის უსაფრთხოების სამსახურმა განცხადება მაშინ გააკეთა, როცა ჟენევაში, უკრაინის საკითხებსა და რუსეთის მიერ „უსაფრთხოების გარანტიების“ შესახებ წამოყენებული წინადადებების თაობაზე, ამერიკისა და რუსეთის წარმომადგენლებს შორის შეხვედრა მიმდინარეობს. სადაზვერვო ინფორმაციაზე დაყრდნობით, დასავლეთი აცხადებს, რომ რუსეთი უკრაინაზე თავდასხმას გეგმავს.
წყარო – ამერიკის ხმა
კომენტარები