ტვ პირველის დამფუძნებელი, ვატო წერეთელი, არ გამორიცხავს, რომ ხვალინდელ პროცესზე შესაძლოა, მისი მამა, ავთანდილ წერეთელი და სხვა ბრალდებულებიც, მამუკა ხაზარაძე და ბადრი ჯაფარიძე, დააკავონ.
ვატო წერეთლის ინფორმაციით, ყველა, გარდა ,,ქართული ოცნებისა”, ერთბაშად თანხმდება, რომ აღნიშნულ საქმეზე დანაშაულის ნიშნები არ იკვეთება. მისივე თქმით, თუ მოხდა უსამართლობა და ბრალდებულების მიმართ სასამართლო გამამტყუვნებელ განაჩენს გამოიტანს, ეს იქნება ხელისუფლების შურისძიება.
გუშინ დავბრუნდი მამასთან ერთად საქართველოში. იმის გამო, რომ ხვალ გაიმართება მისი სასამართლო, მან მიატოვა მკურნალობის კურსი და ჩამოვიდა. რა თქმა უნდა, ხვალ პროცესს დაესწრება.
მთელი მსოფლიო აღიარებს, რომ არანაირი ფულის გათეთრება არ ყოფილა და ამის მხოლოდ ,,ქართულ ოცნებას” სჯერა. ბევრი განცხადება გვინახავს ევროპარლამენტარების, ,,საერთაშორისო გამჭვირვალობამ” კანადელი ექსპერტი დაიქირავა, დადო განცხადებაც, მოკლედ, სხვა ყველას არავის სჯერა, ,,ოცნების” გარდა.
რაა ჩემი მოლოდინი? ეს არის პირადად ,,ქართული ოცნების” შურისძიება ჩემს მიმართ, მე მერჩივნა, მე ვყოფილიყავი სასამართლო პროცესზე, რადაგნ როცა ხედავ შენი ოჯახის წევრს იქ, რომელიც დაავადებულია, იმდენი აკეთეს, რომ ავთო წერეთელი ერთხელ გულის შეტევით გადავიყვანე საავადმყოფოში, ძლივს გადავარჩინე, ახლა მკურნალობა უწევს და კურსი მივატოვეთ სასამართლოს გამო.
მამა მზად არის ყველაფრისთვის და იცის, რომ პოლიტდევნილია. მინდა, ვუთხრა ,,ოცნებას” რომ ეს სამი წელი თქვენ არაადამიანობა ჩაიდინეთ ჩემი ოჯახისა და ჩემს მიმართ, მაგრამ მზად ვართ. სახლში ამის შესახებ ვისაუბრეთ და მამა მზადაა, თუ ,,ოცნება” ამ ნაბიჯს გადადგამს, პასუხი იქნება ის, რომ სიცოცხლის ბოლო წვეთამდე ვიქნებიუ მათი მტერი. ყველა სამართლებრივ გზას გაგვივლით. ეს იქნება სტრასბურგი, თუ სხვა.
ჩემი გადმოსახედიდან იმდენად აბსურდული საქმეა, რომ ,,ქართულ ოცნებას” გაუჭირდება მამაჩემის, თუნდაც ბადრის, ან მამუკას, დაჭერა, მაგრამ მათ ტვინში რა იხარშება, მაგის გათვლა ნორმალურ ადამიანს არ შეუძლია, რადგან ეს არაადეკვატური ხელისუფლებაა. – აცხადებს ვატო წერეთელი.
თბილისის საქალაქო სასამართლოში ხვალ ფულის გათეთრების საქმეზე ხაზარაძე-ჯაფარიძე-წერეთლის საქმის განხილვა განახლდება. ბრალდებულები არ გამორიცხავენ, რომ შესაძლოა, ხვალ გამამტყუვნებელი განაჩენი გამოცხადდეს და ისინი დააკავონ.
ტვ პირველი
კომენტარები