ანალიტიკოსი დავით ქართველიშვილი საქართველოს ყოფილი პრეზიდენტის მორიგ განცხადებას გამოეხმაურა, რომელიც რამდენიმე წუთის წინ გავრცელდა.
„დღეს ორ გენიალურ ფილმს ვუყურე ზედიზედ – “ვერის უბნის მელოდიებს” და “გაქცევას შოუშენკიდან”. კინოსეანსის მერე ტრადიციულად სააკაშვილის მორიგი მოწოდება ვიხილე, თუ რა გზით უნდა გამოიყვანოს ის ხალხმა ციხიდან.პირველი კინოვერსია გამოირიცხა – არაა მიშა ის “მრეცხავი ვარდო”, ვის გამოც “პოლიცმეისტერს” აქ ბუნტის შეეშინდება და მიშას საკნიდან გამოუშვებს. ყველაზე დიდი დარტყმა მისთვის სწორედ იმის აღიარება გახდა, რომ ხალხს იგი არ უყვარს. ისე არ უყვარს, როგორც კინოფილმში მრეცხავი ვარდო უყვარდათ.ვერც მეორე ვარიანტი გამოადგება, ვერც თაკო ჩარკვიანის დიდი ბილბორდი საკანში. თაკოს უკან მიშას გადამრჩენი საკანალიზაციო კოლექტორი კი იგულისხმება ავტომატურად, მაგრამ ხვრელების გათხრა სააკაშვილის ძლიერ მხარეს არასდროს წარმოადგენდა…“ – წერს ქართველიშვილი.
კომენტარები