ნოვაკ ჯოკოვიჩმა ავსტრალიის მთავრობას სასამართლო დავა მოუგო – მოსამართლის გადაწყვეტილებით, ავსტრალიის ხელისუფლებას დაევალა ნოვაკ ჯოკოვიჩის გათავისუფლება, ქვეყანაში შეშვება და ყველა ხარჯის ანაზღაურება. საქმე ავსტრალიის ხელისუფლების მიერ ნოვაკ ჯოკოვიჩისთვის ქვეყანაში აუცრელობის გამო ვიზის შეჩერებას და ქვეყანაში შესვლის აკრძალვას ეხება.
მიუხედავად ამისა, ავსტრალიის იმიგრაციის მინისტრს, ალექს ჰუკს კვლავ შეუძლია საქმეში ჩაერიოს და ხელახლა გაუუქმოს ჯოკოვიჩს ვიზა.
ჯერ არ გავრცელებულა ზუსტი ინფორმაცია, სად იმყოფება ამ დროისთვის ნომერ პირველი ჩოგანი.
ნოვაკ ჯოკოვიჩის ადვოკატები ამბობენ, რომ ჩოგბურთელს კორონავირუსი 16 დეკემბერს დაუდასტურდა, შესაბამისად, მას ახლა ვირუსი გადატანილი აქვს და ამ ეტაპზე მასთან კონტაქტი უსაფრთხოა.
ავსტრალიის ღია პირველობა 17 იანვარს იწყება. თუ ნოვაკ ჯოკოვიჩი ტურნირს მოიგებს, ის ისტორიაში ყველაზე წარმატებული კაცი ჩოგბურთელი გახდება.
კომენტარები