ყაზახეთის ეროვნული უშიშროების კომიტეტის ცნობით, უწყების პოლკოვნიკის, აზამატ იბრაევის ცხედარი საკუთარი სახლის ეზოში იპოვეს. გარდა ამისა, ჟამბილის ოლქის პოლიციის დეპარტამენტის უფროსმა, გენერალმა ჟანატ სულეიმენოვმა თავი მოიკლა. ამის შესახებ “რადიო თავისუფლება” იტყობინება.
მედია წერს, რომ გარდაცვლილ პოლკოვნიკს სიმაღლიდან ჩამოვარდნისთვის დამახასიათებელი დაზიანებები აღენიშნება.
გარდა ამისა, Orda.kz-ის კორესპონდენტის ცნობით, ჟამბილის ოლქის პოლიციის დეპარტამენტის უფროსმა, გენერალმა ჟანატ სულეიმენოვმა თავი მოიკლა.
მედიის ცნობით, არეულობის შემდეგ მის წინააღმდეგ სისხლის სამართლის საქმე აღიძრა. მას ტრიბუნალი ემუქრებოდა.
ყაზახეთის პრეზიდენტმა ყაზახეთის ძალოვანი სტრუქტურები დაადანაშაულა იმაში, რომ მათ „გამოეპარათ“ საპროტესტო აქციების მზადების პროცესი, ხოლო ბოლო მოვლენებს, ყასიმ-ჟომარტ ტოყაევმა, „სახელმწიფო გადატრიალების მცდელობა“ უწოდა.
კომენტარები