მიხეილ სააკაშვილის საქართველოში შემოყვანისთვის დაკავებული პირებს, ელგუჯა ცომაიას, მამა- შვილ წოწორიებს და გიორგი ნარიმანიძეს, რომლებსაც პროკურატურა ჩვენების სანაცვლოდ სასჯელის შემსუბუქებას ჰპირდებოდა, სასამართლომ გირაოთი გათავისუფლებაზე უარი უთხრა. ინფორმაციას ტვ პირველი ავრცელებს.
როკურატურის ინფორმაციით, აღიარებითი ჩვენების სანაცვლოდ დაკავებულებს მხოლოდ სასჯელის შემსუბუქება ელით და გირაოთი გათავისუფლებაზე შეთანხმება არ არსებობს.
ვადასტურებ, რომ ბრალდებულებმა მისცეს აღიარებითი ჩვენება, თუმცა ეს ფაქტი არ არის აღკვეთის ღონისძიების შეცვლის უპირობო საფუძველი, არავინ არავის არაფერს დაპირებია, ეს მათი პოზიციაა. აღიარებითი ჩვენება და მათი თანამშრომლობა გამოძიებასთან აისახება სასჯელთან მიმართებაში, რასაც საბოლოოდ სასამართლო დაადგენს. საპროცესო გარიგებაზე მოლაპარაკება არ მიმდინარეობს. – აღნიშნა პროკურორმა ლევან ვეფხვაძემ.
დაცვის მხარე განმარტების გაკეთებას თავს არიდებს და მხოლოდ იმას აცხადებს, რომ არავითარ გარიგებას პროკურატურასა და დაკავებულების ოჯახის წევრებს შორის ადგილი არ ჰქონია. ცნობისთვის, ,,ნოდარ მელაძის შაბათისთვის” მიცემულ ინტერვიუში ბრალდებულის ოჯახი ირწმუნებოდა, რომ შეთანხმების თანახმად, აღიარებითი ჩვენების სანაცვლოდ, ახალ წლამდე ელგუჯა ცომაიას გაათვისუფლებდნენ.
კომენტარები