“ომიკრონის” შემთხვევები საქართველოში უკვე 900-მდე გაიზარდა.
როგორც “კურიერმა” გაარკვია, მონაცემები დღის ბოლოს შეიცვალა და ქვეყანაში ახალი შტამის 300 ახალი შემთხვევაა.
ექიმებისთვის იმედის მომცემი “ომიკრონ” ინფიცირებულებს შორის ნაკლები ჰოსპიტალიზაციის მაჩვენებლია. დღემდე გამოვლენილი შემთხვევებიდან სამედიცინო დაწესებულებაში მხოლოდ 8 მკურნალობდა. კლინიკებში დატვირთვა არ იზრდება, თუმცა მიმართვიანობა მომატებულია ამბულატორიულ და ლაბორატორიულ დაწესებულებებზე. სპეციალისტები მაინც სიფრთხილის ზომების მიღების აუცილებლობასა და ყველანაირი სცენარისთვის მზადყოფნაზე საუბრობენ.
ექიმების პროგნოზი დაანონსებულზე ადრე გამართლდა. მომდევნო კვირაში სტატისტიკური მონაცემების რეკორდულ ზრდას ელოდებიან. აანონსებენ ლაბორატორიული შემთხვევების ისეთ მატებას, რომელიც ჯერ არ ყოფილა. დღიური სტატისტიკა 20 ათასს მიუახლოვდება.
ყველაზე მნიშვნელოვანი, კლინიკური სექტორისთვის, ჯანდაცვის პირველადი რგოლის მზადყოფნაა. ექიმების რეკომენდაციაა, ერთიანად კოვიდცენტრების დატვირთვა არ მოხდეს და პაციენტების შეფასება დროული და სათანადო იყოს. ინფიცირებულთა ნაკადის გაზრდის შემთხვევაში კი, დაავადების მართვის პრობლემებზე საუბრობენ.
კომენტარები