ყაზახეთში არეულობას ისრაელის მოქალაქე, 22 წლის ლევან კოგეაშვილი ემსხვერპლა. Times of Israel-ის ცნობით, კოგეაშვილის გარდაცვალების შესახებ ინფორმაციას საგარეო საქმეთა სამინისტრო ავრცელებს.
უწყების ინფორმაციით, ლევან კოგეაშვილი ცენტრალურ აზიაში რამდენიმე წლის განმავლობაში ცხოვრობდა. ისრაელის საგარეო საქმეთა სამინისტრო სამძიმარს უცხადებს გარდაცვლილის მშობლებს, რომლებიც ყაზახეთში იმყოფებიან. ცხედარს ისრაელში გადაასვენებენ.
კოგეაშვილი ალმატიში ცხოვრობდა, ის პარასკევს მოკლეს.
კომენტარები