“მათ ვეკითხები, ვისაც ხელისუფლების არც გადაწყვეტილებებზე მიუწვდებათ ხელი და არც ძმაკაცები ჰყავთ ზევით – რას დავუჯეროთ? – ღარიბაშვილის ტრაბახს?” – ინგა გრიგოლია

“ვეჭვობ, რომ მთავრობის ეს დაუსრულებელი დაპირებები და განცხადებები კარგი ქართული, ჯიგრული გინების ხასიათზე აყენებს, ხოლმე ხშირად არცთუ ცოტა მსმენელს,” – ამის შესახებ ტელეწამყვანმა, ინგა გრიგოლიამ გადაცემა “რეაქციის” დღევანდელ მონოლოგში განაცხადა.

ამასთან, დღევანდელი გადაცემის საშუალებით გრიგოლიამ იმ ადამიანებს მიმართა, ვისაც ხელისუფლების  გადაწყვეტილებებზე ხელი არ მიუწვდებათ და მათ ჰკითხა: დავიჯეროთ ის თუ არა, რომ ხელისუფლება 2022 წელს ეკონომიკურ ზრდას გვპირდება. 

“როგორ შეიცვალა თქვენი ოჯახების სოციალური და ეკონომიკური მდგომარეობა გასულ 2021 წელს. ხელისუფლება გვიმტკიცებს, რომ ქვეყანა წინ მიდის, რომ სამუშაო ადგილები იქმნება და ყველაფერი არც ისე ცუდადაა, როგორც ამის წარმოჩენას ხშირად მედია ცდილობს. მიდიხართ წინ? იზრდება თქვენი ოჯახების შემოსავალი?

ამ კითხვით მთავრობას და მათთან გადახლართულ ბიზნესმენებს არ მივმართავ. მათ ვეკითხები, ვისაც ხელისუფლების არც გადაწყვეტილებებზე მიუწვდებათ ხელი და არც ძმაკაცები ჰყავთ ზევით. ხელისუფლება 2022 წელს ეკონომიკურ ზრდას გვპირდება დავიჯეროთ? რას დავუჯეროთ.

მაგალითად ღარიბაშვილის ტრაბახს, რომ დღეს გვქონდა ძალიან მაღალი ძლიერი წელი. იგივე დაპირებები მრავალი წელია რაც გვესმის. ისე გვპირდებიან, აი ახლა დაიწყება ქვეყნის აღმასვლაო გეგონება თვითონ არ იყვნენ მთელი ამ დროის მანძილზე ხელისუფლებაში. რას დავუჯეროთ მეგობრებო. ვეჭვობ, რომ მთავრობის ეს დაუსრულებელი დაპირებები და განცხადებები კარგი ქართული, ჯიგრული გინების ხასიათზე აყენებს, ხოლმე ხშირად არცთუ ცოტა მსმენელს.

ამ წამოძახილებში გადის დღეები და წლები. ჩვენ ვართ ასე ძაღლი ყეფს და ქარავანი მიდისო . ცვლილებებს მხოლოდ პაპუაშვილები და კუჭავები გრძნობენ, როცა ერთი იცვლება მეორეთი. ან თუ გრძნობენ გამდიდრებული ჩინოვნიკები. ადრე რომ არც დაესიზმრებოდათ. ღარიბი ადამიანების უმეტესობაში არის საშინელი ნიჰილიზმი საშინელი უიმედობა. ყველას და ყველაფრის მიმართ“, – განაცხადა “რეაქციის” წამყვანმა ინგა გრიგოლიამ.