ჩვენმა ხალხმა რამდენჯერაც აირჩიეს ხელისუფლება იმდენჯერ თავზე დაემხოთ და ამან მოიტანა ნიჰილიზმი, – ამის შესახებ “ლეიბორისტული პარტიის” ლიდერმა შალვა ნათელაშვილმა გადაცემა “რეაქციაში” განაცხადა.
“ეს ნიჰილიზმი მოიტანა არჩევანის მცდარობამ, რამდენჯერაც აირჩიეს, იმდენჯერ თავზე დაემხოთ ეს არჩევანი ჩვენ ხალხს. შევარდნაძეს ელოდებოდნენ როგორც მხსნელს და რა ჩამოიტანა, ნახეთ. შემდეგ ხელისუფლებასაც ელოდებოდნენ როგორც მხსნელს და დღეს საზოგადოება ორად არის გაყოფილი – ლამის სამოქალაქო დაპირისპირება ატყდეს ყოფილ და ახალ რეჟიმს შორის გამართულ ორთაბრძოლაში. სააკაშვილი და ივანიშვილი ერთმანეთზე უარესები არიან. თითქმის თანაბრად შეიტანეს წვლი ამ ქვეყნის დაქცევაში, თუმცა ამჯერად სააკაშვილი პოლიტპატიმარია და ჩვენ ვითხოვთ მის თავისუფლებას,” – თქვა შალვა ნათელაშვილმა.
კომენტარები