“ტვ პირველმა” კახეთში, გურჯაანის რაიონის სოფელ კარდენახში მომხდარი საზარელი დანაშაულის დეტალები გაარკვია. არსებული ინფორმაციით, გიორგი საჩეჩელაშვილს ყოფილმა სიძემ ცივი იარაღით დაზიანებები ყელის არეში მიაყენა.
უმძიმეს დანაშაულს ბრალდებულის მცირეწლოვანი შვილებიც შეესწრნენ. ირკვევა რომ წყვილი ერთმანეთს რამდენიმე წლის წინ დაშორდა, ქალი ემიგრაციაში წავიდა, ბავშვებს კი ბებია და ბაბუა ზრდიდა.
ადგილობრივების თქმით, ყოფილ სიძესა და სიმამრს შორის დაძაბული ურთიერთობა ხშირად იყო და დაპირისპირება არაერთხელ მომხდარა.
63 წლის კაცს დანით სხეულის მრავლობითი დაზიანებები აღენიშნება. დაჭრილი სასწრაფო დახმარების ბრიგადამ გურჯაანის “ჯეო ჰოსპიტალსის” საავადმყოფოში გადაიყვანა, სადაც მას გადაუდებელი ოპერაცია გუშინ ჩაუტარდა.
მამაკაცის მდგომარეობას ექიმი სტაბილურად მძიმედ აფასებს.
შუახნის მამაკაცს აღენიშნებოდა ტრამვულ-ჰემორაგიული შოკი. აღენიშნებოდა ბასრი საგნით მიყენებული ჭრილობა კისრის არეში მარცხნივ. დაზიანებული იყო კანი, კანქვეშა ქსოვილი, კისრის კუნთები, მაგისტრალური სისხლძარღვები. ჩატარადა გადაუდებელი ოპერაცია, აღდგენილ იქნა სისხლძარღვების მთლიანობა, გაკერილ იქნა რბილი ქსოვილები. ამჟამად პაციენტის მდგომარეობა არის სტაბილური, მაგრამ მძიმე, მკურნალობას რეანიმაციულ განყოფილებაში განაგრძობს”- აცხადებს დაჭრილი კაცის მკურნალი ექიმი.
კომენტარები