ვინც წინ დღით დიდი გატაცებით ადგენდა შავ სიებს, მეორე დღეს სწორედ თავად ისინი შეჰყავდათ ამ სიებში – მაღლაფერიძის გაფრთხილება

საზოგადოებრივი მაუწყებლის ყოფილი დირექტორი ვასილ მაღლაფერიძე სააკაშვილის იდეას „შავ სიების“ შედგენაზე სოციალურ ქსელში ეხმიანება.

1. შავი სიების იდეის გაცოცხლება რამდენად მავნებლურია და როგორი მძიმე შედეგები მოაქვს ამას საზოგადოებისთვის, საბჭოთა კავშირში ნაცხოვრებ ადამიანებს, წესით, ამის ახსნა არ უნდა სჭირდებოდეთ.
2. ამავე დროს, შავი სიების იდეის ავტორ-გამავრცელებლებმა აუცილებლად უნდა გაითვალისწინონ საბჭოთა შავი სიების თანმდევი ერთი კანზომიერებაც – ვინც წინ დღით დიდი გატაცებით ადგენდა შავ სიებს, მეორე დღეს სწორედ თავად ისინი შეყავდათ ამ სიებში.
3. დაბოლოს. შავი სიები რომ სახელმწიფოს კანონებით მართვაზე და ადამიანის უფლებებზე უარის თქმას ნიშნავს, ეს, ეტყობა, არ უნდა შევიმჩნიოთ, თითქოს არც გაგვიგია, რათა ეროვნული თანხმობის პროცესი არ შევაფერხოთ.”– წერს ვასილ მაღლაფერიძე.