განათლების ყოფილი მინისტრი, უშიშროების საბჭოს ყოფილი მდივანი კახა ლომაია საქართველოსა და ყაზახეთში მიმდინარე მოვლენების შესახებ საკუთარ მოსაზრებას სოციალურ ქსელში აქვეყნებს:
“გუშინ და დღეს ერთგვარ შელოცვებს მოვკარი თვალი ჩემ ფბ-ზე. ჩვენ, ქართველებს, სამხედრო გადატრიალებაც გვინახავს, მშვიდობიანი რევოლუციაც და ხელისუფლების არჩევენბის გზით გადაცემაც, და, ამიტომ, ყაზახურისმაგვარი ამბები ჩვენგან შორს, საკმარისია, აღარ გვინდაო. თითქოს, ამ “საკმარისიათი” ისტორიას ვუბაკუნებდეთ ფეხებს. თითქოს “ბედის დავთარში” გვეწეროს, რომ ისტორიაში სამხედრო გადატრიალებაც უნდა გვქონოდა (ერთხელ), მშვიდობიანი რევოლუციაც, (ერთხელ) და ძალაუფლების დემოკრატიული გადაცემაც (თანმიმდევრულები რომ ვიყოთ, ესეც ერთხელ :-)). ბოლოში ყველაფერი მაინც არჩევნებით მთავრდება. მათ შორის ვარდების რევოლუციის შემდეგაც, ძალაუფლება არჩევნების გზით შეიცვალა. ყაზახებსაც არჩევნები უნდათ, რიგგარეშე დემოკრატიული არჩევნები, სხვა კი არაფერი. მაგრამ, არჩევნებს წინ ის “შავი გედი” მოფრინდება თუ არა, და თუ მოფრინდება, რამდენჯერ, არავინ იცის. აგერ ყაზახეთის მეზობელ ყირგიზეთში, სახალხო რევოლუციები სულ მცირე, 3-ჯერ მოხდა ბოლო 17 წლის განვალობაში. ამიტომ, შელოცვები და ფეხების ბაკუნი კი არ უნდა ამ საქმეს, არამედ იმ ხალხისადმი, ვისაც სულს ხდიან გამგუდველ ავტორიტარულ რეჟიმში, სულ მცირე, თანადგომის გამოხატვა, თუ სხვა არაფერი შეგვიძლია” – წერს კახა ლომაია.
კომენტარები